بنشدك ياشاعر الشعار واعجل بالاجابه = وش يجيب الشاطري ياصاحبي عند الزلامي
طاح سهم الراجحي لكن قلي وش تبابه = اتركه وادخل معي فالبورصه والبيع حامي

كلهم شعار يانايف وكلّ ٍ يندعابه = والزلامي شاعرٍ مشهور من بين الانامي
ابشر ان الراجحي مضمون ربحه باكتتابه = وانت ربح البورصه مايصفي الك بكل عامي

اعرف ان الجدي نوره ياعميلي يقتدابه= مير لاتجلب علومك من حلال ومن حرامي
اطلب الله ماطلبت المد من ناسٍ غلابه= واحدٍ يكتب لنا الارزاق من سن الفطامي

الامل ماينقطع باللي ماخيّب من رجابه = ابشر اني كاسب النوماس في شرق ٍ وشامي
لكن انته شق دربك لاتضريها المهابه = وانتبه ماكل سلعه داخل السوق بتسامي