ما نبتلش لو كان ذيبً يقنب لذيبً جويع = ولا المطية من عصايه ماثنت عرقوبها
وانته ياابو ناشي قنصت الصيد في روضة ربيع =وعقب انتها محزمك قومان العرب راحوبها

ان كانك مثلك كل ما ضاق الفضا صدره وسيع = الناس مالي من ورها غير كسب أذنوبها
رد المطيه يامحمد عن سنعها لا تتيع = ولزم غزيرات الدروب وخل دوبك دوبها

امشي على دربي ودربي كل ما جيته سنيع = ولا انته ادروبك نعرف احكامها واسلوبها
لكن ابا اعلمك علمً يا عساه انه نفيع = المهره الشقرا تهل الدمع واغرق ثوبها

أن طرت وأن وقعت مانت أبلازملي كل ريع = أدرج على راسك رحا بقعا ودق أحبوبها
المشكله لن كان ظيعت الوداعه يالوديع = عود على جرتك لين تشوف وِش عذروبها

صح بدنك يا عايض

من ذوقكـ الرفيع فقط لا غير

كل الود والتقدير أخ عايض

شرفني مروركـ

تحياتي