ميلي يا غصون و لحني يا حمامه = لين يزعل منير و يعتزي في منيره
كان ما تعرف الواحد ما تعرف مقامه = و انت مانته سوات الشمس في كل ديره

ساحة الشعر تال الوقت مثل المنامه=مار جـ الشاعر الي مثل درع الجزيرة
مايطيح العقال ولاتطيح العمامه =وفي يميني سلاح وفي حزامي ذخيرة

ساحة الشعر تنعم بالف خير وسلامه=و انت طرقي مع السكه يدرهم بعيره
كل واحد على ما قيل يحمـا كلامـه=تعتبر كلمته حجه و كلمـه اخيـره

مايضيع البعير الي قضبنا خطامه=وانت ياناصر اطلب ربنا فـ الستيرة
من يعد الكلام الصدق عًدى الملامه=والمشاريه ماجات الوجيه السفيره

لو تحت الحروف نحط رمز و علامه=كان غرق العصيمي فالبحور الغزيره
لو كلن على مـاراد يـدرك مرامـه=كان يمدي حبيب شيخ ظلم و عشيره

عقب الي ليا وقف تراعد عظامه=والعصيمي يجيكم بسيوف الشطيره
ناصر يحقق الي يطلبه في منامه=مار لامن صحى لازم يعاتب ضميره

جعلك تصير ايمام و تلتزم باليمامه=مالك و مال ناصر خل شره و خيره
لو ربع شعيل امديه زامي سنامـه=مير بين الجمال القشر ظايع هديره

اسرجي ياخيول وخيلي ياغمامه=لان نطحن حبوبه فـ الرحى المستديره
لانت راعي شداد ولانت راعي مسامه=ودكم بل الغناه وفـ البيوت الفقيره

ميلي يا غصون و لحنـي يـا حمامـه=لين يزعل منير و يعتزي فـي منيـره
كان ما تعرف الواحد ما تعرف مقامـه=و انت مانته سوات الشمس في كل ديره

القصور الكثيره غير قصر اليمامه=ولاحسبنى سمير ولاحسبنى سميره
ماورى بعض هرج الناس غار الندامه=كيف ترمي بنفسك وسط نارٍٍ سعيره