ترا المشعاب فاليمنا الخفيفه=ليا رصك حذف منك النصيفه
يروح الضلع من ضربه حتيفه=على شاط البحر مرسى السفينه
البارق اللي فوقكم من عصر لاح=امطر على راسك لو أنك تنبحه
لو البحر يا صاحبي مويه قراح=يمكن تغوصه فالزمان وتسبحه

ابو مشعاب مهديكيه والاّ=اخذتة منه عارية تسلاّ
لكنك طيعني لاوالله الاّ =على شاط البحر مرسى السفينة
كاننّها ياروق راحت للنباح= انا جوادٍ صعب محدن يكبحة !!!
ياماحلا الطاروق بالشعر المباح= اثر القبيح يجيب علمٍ ماقبحة !!!

تلكع وأنت دوبك فاللكاعه=سوات اللي يصلي في جماعه
وسلم عقبهم في نص ساعه=على شاط البحر مرسى السفينه
راح الهجاد ولا بقا غير الصباح=لا وا عذاب اللي نجي ونصبحه
يا ما حلا الطاروق مع مس الشباح=ما هوب مع من هو قصيرٍ مشبحه

تحسبنك مع الشعار فاهم=تداحمهم وتاقف في سراهم
لكن شاتوك برى من وراهم= على شاط البحر مرسى السفينة
شاركت فالمعنى وطامع فالنجاح= لكن قالو ... قف .. حرام تطبحة !!!
ترى شداد الشعر قاسي يامتاح= اتعب اليا منك بغيت توبحة !!!

ترا القناص مع جرت شريمه=ذبحها رابضه وسط الهشيمه
بطلقه قبل ما تعطى الخريمه=على شاط البحر مرسى السفينه
الجو يا رجال لطيور الفلاح=وأنت مبحبح من طيور مبحبحه
والله ما تدري عن اللي جا وراح=مير البعير بحيد راسه مذبحه

اشكرك يابراهيم على الطاروق الرائع الذي استفدت من الكثير

والليل طرف مير اعذرني على القصور

واسمحلي

تصبح على خير