المشاركة الأصلية كتبت بواسطة راشد العضياني (المشاركة 1167853) هلابك ياعبدالكريم دام البقابك يابن عاصي ندهن السير ويسر=وان كان تقدر في حصاة رزاح روح وكزها نبغى نوردها على هداج بالسيف الشطير=وبلوى طميه من قطن يمكن يجي مغتزها

أنا أحمد الله عارفٍ دربي ومتوفق بخير=وأنته حصانك ي.بن عاضي ما بغيت اتلزها
المشكله من دون ما تبغى رحاةٍ تستدير=وأنته مثل من يطرح الشاره بعد ما رزها

المشاركة الأصلية كتبت بواسطة راشد العضياني (المشاركة 1167858) وين رحت ياعبدالكريم الليل

المشاركة الأصلية كتبت بواسطة عبد الكريم العازمي (المشاركة 1167861) أنا أحمد الله عارفٍ دربي ومتوفق بخير=وأنته حصانك ي.بن عاضي ما بغيت اتلزها المشكله من دون ما تبغى رحاةٍ تستدير=وأنته مثل من يطرح الشاره بعد ما رزها

والله ماندري تصير بخير ولاجاك غير=رجليك تلكدها وهي ترغي وصعب تدزها
ليا استدارت حط فيها بر يطلع لك شعير=ماتدري ان الحر مايشبه فصيلة وزها

المشاركة الأصلية كتبت بواسطة راشد العضياني (المشاركة 1167871) والله ماندري تصير بخير ولاجاك غير=رجليك تلكدها وهي ترغي وصعب تدزها ليا استدارت حط فيها بر يطلع لك شعير=ماتدري ان الحر مايشبه فصيلة وزها

يا شاعر العضيان لدّ العين فيني واستخير=وأدحر شياطينك يبن عاضي ودايم خزها
نبى نوفي مطلبك واللي بعدها وش يصير=والحر من شعبة حرارٍ فزته من فزها

المشاركة الأصلية كتبت بواسطة عبد الكريم العازمي (المشاركة 1167882) يا شاعر العضيان لدّ العين فيني واستخير=وأدحر شياطينك يبن عاضي ودايم خزها نبى نوفي مطلبك واللي بعدها وش يصير=والحر من شعبة حرارٍ فزته من فزها

ان كان لديت لك عيني جاك تقرير المصير=عاين بعينك زين وان شفت لك حاجه بزها
مدري توفي اوتوفى طرت ولاما تطير=خلك مركاك وان جتك الزقاره مزها