فواز العزيزي+القناص ارحبوا يالنشاما
شرفتوا المحاوره
خلوكم معي على الجذع

يا عساها بذمتك يا هالولد
يا كيف صرنا سوا وسط البلد
لا بارك الله فلي خوٌنها وجحد
ما قدٌر المولى على عبده يصير

ما عندنا يا صحيبي علوم امجاملات ......... الثريا ما تجي للثرى وامزونها
الدواسر من عتيبة تجيها امحاضرات..........يا عساها تعتبر لا يجي طاعونها

مسموووووح يا الغاااالي

القناص الله يحييك
ولو اني حاس انك منت غريب علي

ياللي تشوف رجالها وبنص عين
حذرا تروح يسار خلك باليمين
نجد الجنوبي كلها ملك اليدين
ماقدر المولى على عبده يصير

ياعتيبه ورعكم قام يقذف بالشمات = مادرى ان سيوفنا بالنحور طعونها

الدواسر ماتجي حدها من وقت فات = لابتن وقت اللقا ماتضيع ديونها

أنا ما أقول إنك ضعيّف وارخمه
لكن وش جاب البسيطة للسمه
يا صاحب الموزة وحب السمسمه
ما قدر المولى على عبده يصير

ترا عتيبة ما تسمع اللي ماهو ثبات ........... جيب علم(ن) لك ثبات واحتمل مخزونها
ما نبى الدعوى سوالف حكي ومهاترات .......... أخذ زكاتك مني ولا تجي مجنونها

ترجع تقول اش جاب هذا ويش جاب
انت تطالع ياعميلي للسراب
والحر الاشقر مايبالي للغراب
ماقدر المولى على عبده يصير

نسأل الله العفو نسأل الله النجاة = خل منك العنصّره والامانه صونها
عايشن بين القبيله علومك ناقصات = روح دورلك على عالمن تبلونها

يا أبورجب لا يزعلك علم الوكاد
خلك طبيعي لا نحث لك الرماد
شغلتك عندنا مغر رايح وراد
ما قدر المولى علىعبده يصير

الصراحه ماتباها ولا عندك دوات ******* حمصة مقسومتن في وسط ماعونها
عايشن عيشة كريمة ليا حد الوفات****** وافتخر يوم ان ربعك هلي يكوونها

أبو رجب للتذكير النجاة سبق ذكرها (سرت)

بارك الله فيكم كلكم
ومحاوره حلووووه
وشكرا

اللي على المدرج يتفرج ..
الاداره

....

ولد عوجان... ابو رجب

الله يعطيكم العافيه
....
واصلوا ..
تحياتي