سلام تسليم الوفا من هيض عساف الصعب = يضفي على الحضار من روس الرجال الغانمه!!
الليل ياصحيبي فهد عطنا اخر اخبار العرب = وش اخر اخبار العرب عسى ثبيت مسالمه!!

يامرحبا ياللي مع الاجواد تلعب من طرب=تبدع بيوتك والردود اليوم عنـدي والمـه
قالولي ان شعيل تال الوقت صايبه الجرب=وثبيت ماتقنى بعير اجرب وناقه هايمـه

حنا على وضح النقا عشنا وكملنـا الطلـب=وانته اغلب اردودك يابوعواض ماهي سالمه.
الضرس لامنه دخله السوس ماسلم العصـب=مارانتبه لضروسك من السوس قبل اتعالمـه

ماقول فيك قصور لكنك تعرضها الصعـب=والسر يبقى في ضميري وانت ماانته عالمه
انا ضروسي سالمه ماقد شكيت امن التعب=وانته ظلمت الضرس والمسواك دايم ظالمه

الراس دايم راس مهما كان مايرجع ذنب = لكن ابو عواض يحلم مع عباد ٍ حالمه!!
مسواك ماهوراك عند اهل الحسب واهل النسب = مانقبله وانته نبا نجري معاك مكالمه.

الله يعينك كان جا وقت المشاكل والنشـب=ياسالم اللي يعتزي فالوقت باختـه سالمـه
قفّا زمانك وانت مقفي مع زمان اطلق شنب=النت ّ والتنظيم ماتعـرف سياسـة عالمـه

ماكنك اتشوف السباع اللي تقانب من غضب=والرجل لابده يوفـي فـي لـزوم ٍ لازمـه!!
اول مقاديم الفرج برق تعقرب فـي النصـب=وان سال سيله صبح بكره كل وقت وعالمه!!