يدوم العز للهيلا ويبقى العز في هالدار=ودستور الرجال اهل الوفا نخوه وحريه
انا ماغبت حاضر فالبلد وادري عن اللي صار=وكلٍ ياخذ اللي قدمت يمناه وشويه

مشعل الحافي

سلام الله على معجب ومعجب يعجب الشعّار=برأيه يبعد النظره و شورة يحكم الهيّه
عقب غاب المطاري ويش رايك ندحم الاخطار=ونرضي عزوة امطير وعصيم تصفي النيّه

معجب العتيبي

هلا بالصاحب اللي مع صحيبه ياجماعه بار=يبر اصحابه وفي صحبته ماضن ابه زيه
ماضني في غياب اوفي حضور الغير ابد محتار=اقدم للوفي طيب ووفا والثاني الكيه

مشعل الحافي

يدوم إلك البقا ياللي ترحب والوفاء يندار=على وضح النقا والطيب إله رآية وماريّه
أضنك ياوسيع العرف غبت وغابوا الاحرار=عقب زٍعل المعزب من ضيوفه كٍبْر وحميّه

معجب العتيبي

يدوم العز للهيلا ويبقى العز في هالدار=ودستور الرجال اهل الوفا نخوه وحريه
انا ماغبت حاضر فالبلد وادري عن اللي صار=وكلٍ ياخذ اللي قدمت يمناه وشويه

المشاركة الأصلية كتبت بواسطة معجب العتيبي (المشاركة 1152437) يدوم العز للهيلا ويبقى العز في هالدار=ودستور الرجال اهل الوفا نخوه وحريه انا ماغبت حاضر فالبلد وادري عن اللي صار=وكلٍ ياخذ اللي قدمت يمناه وشويه

على عزّ ومعزّه نجتمع والدار دونه نار=عتيبة عزوتي تنصر كسير الحرب ووخيّه
مدام انّك هذا قولك نباك اتحكّم الاشوار=وتردع كل مخطي يصدر الاحكام جبريّه

هذاه القول يامشعل وعلم باقي الزوار=هنا ماضن ابه ظالم يبا يبقا على غيه
يامشعل لايسمم فكرك اللي سمم الافكار=ترا له مشيتن ماتنجهل يمشي كما الحيه

المشاركة الأصلية كتبت بواسطة معجب العتيبي (المشاركة 1152450) اسف يامشعل انقطاع بسيط في الاتصال وعدنا هذاه القول يامشعل وعلم باقي الزوار=هنا ماضن ابه ظالم يبا يبقا على غيه يامشعل لايسمم فكرك اللي سمم الافكار=ترا له مشيتن ماتنجهل يمشي كما الحيه

انا خابر قيادة لابتي في يدّ ما تحتار=تسنّع كل ظالم لاطغى..بالعدل مبنيّه
انا مرضى على عتيبه تهان ودمّ قلبي فار=ولكنّ الجهل والله يسمم كل محميّه

سلمت وزان منطوقك وغيرك فيه دمه فار=واضن الضغط عنده واصلن ميه على ميه
وانا ما ارضى بعد مثلك ولي فزعه ودمي حار=لكن مافوره هرج السفاهه والنحاويه