تبغى الكلآم الي علاه العلم والعلم الصحيح = الناس بيداها يا وجه الخير دون حلوقها
اللي يصيح امن الضما طول الزمن ما يستريح = لو مدّ كفّه ما وصل للي تلوح بروقها

الله يعز اللي زنوده فاللقا تقدح قديح=هو سيفنا المحدود لعيال الحرام وعوقها
تال الزمان اللي يجيب المخطيه قالو صريح=لو كان مثل الحيه اللي سمها فـ شدوقها

عز الله انّه ما يقصر راعي القلب النصيح = جعله ذخر للشجره اللي ما تموت عروقها
تراك جار اللي يقول الكذب يالوجه السميح = امّا تشب النار ولا النار طحتوا فوقها !

لولاه مااظنك تصيد الوعل ابو قرن ٍ نطيح=لو ان جدك شيخ قومه والعيون يشوقها
لو باح سد الجار قدم الناس حنا مانبيح=جيراننا وان باقت الميثاق كيف نبوقها؟

من قوّ ضرب سيوفنا ,, عديت كم شيخ طريح ؟ = افعالنا يا هيه مثل اللي يبين شروقها
ان كان جاك الجوع حذرا يا ثبيتي لا تصيح = رح عند جيرانك واكل يا شهيب من مرقوقها !