اللي يبا يا خذ حقوق الناس ,, رجال غشيم = هو ما درى انّ الناس فاللازم طوال شبورها !
يا ليت ابو نواس قام وعوّذ ابليس الرجيم = قدام هذيك السرايا لا يقف بنحورها !

العلم واحد يالعطاوي لا زعيم الاّ الزعيم=و الصين حاميها على طوال الليالي سورها
الخيزرانه ضربها ما يكسر العظم الصميم=ما أنته بــــ ( راع ) البندق اللي ما تطير طيورها

بكره ليا كبرت تبا تصبح خصيم ٍ مع خصيم = ثم عاد هاك الحين هدّ الحرب وارم سبورها !!
ريّح يا راع العلم الاقشر من على ريش الظليم = قدم الرجال اهل الفعايل لا تفوح قدورها !

بكره ليا كبرت نشبّ النار في قلب الهشيم=و النار يا نواف ما تاكل و تترك سورها
هذا جزايه فالقدايم يوم ربّيت اليتيم !!=علّم بها ربعك جميع , غيابها و حضورها

ان شبّت النيران ما هبت ذعاذيع النسيم = ترى الجنايز مالها يا هيه غير قبورها !
مالك فضل من ماضي الازمان والله العظيم = الفضل لله ثم لناس ٍ ما جهلتوا دورها !