كل رجالٍ على قده تفصله ثيابه=والحمول إتشال يارجال بظهور الجمالي
الملامه ماتجيه ان كان في حلة عتابه=والجعر نبنطرده يم الجنوب من الشمالي

راهين ثوبي وتاج العز من تحته عصابه=واقحطان اليا غزت ماتترك اسهول واتلالي
يا عتيبه تعرفون ان الجعر ما ينغزابه=والجنوبي في بلاده ما نظرك أول و تالي

لاتشب النار ثم تنحاش زولك كالذبابه=عارفين ان الفعول امثبته في كل حالي
والله انا مانرد اوجوهنا يم الزلابه=والجنوبي لو يخون العهد جهزت السلالي

ما يلام الورع شاف القوس في جوف الربابه=جرها اللاحن وقفت ماتبي مشي العدالي
ورع مشيب مادرى وش حاصل(ن) بأول شبابه=ما حسبت احسابكم محسوب من ضمن الرخالي

افطن افطن يامحمد للقرايه والكتابه=لاتغنيها على ماقيل يالاله يالالي
نجد من هو محرمك ياصاحبي منزل ترابه=والله انه يستر المخلوق من كثر الخبالي

جدك اللي نازل(ن) فالقهب حول من ركابه=صاح فالغلبا ولا جاوبه من سمع السوالي
دافع الجزيه عطانا التوم من خوف ومهابه=وما حمى هذال حصه واستبت ضمن الحلالي

جدي اللي طاردٍ جدك على وقت الحرابه=يشهد التاريخ يامحمد على ماض الليالي
يوم ابن جرمان ماعنده سؤال ولا أجابه=من هو اللي قدم هذال ايتكشح بالرمالي

الا يامِكثر التتويل لا تفنى من اسبابه=ذليل وجايني مغرور ما فاد التتوالي
لا تظلم عمك امناحي وتنسى فعل مخلابه=الا يالله ترحم شايب(ن)لقاهم الصالي