اطيب من اللي خابرينه لاحصان ولابعير=يعقد حجاجه مار لاجات المواقف فلها
مادام تعرفهم علاك الصمت لاشفت الامير=سنع علومك قبل نفسك لايبين غلها

الضاهر انك منهري يوم ارتفع سعر الشعير=عانك تجيب علوم بعض احيان ماتفطن لها
ان كان يالفراش صاير في وزرتنا مدير=قلت الوزاره لو تشب النار فيها احسن لها

تبا تصلحها وراحت عنك يوم العلم غير=الناقصه لاجات منكم حالف ٍ لاازلها
ماودنا نبحث خفاكم بين قحطان ومطير=راجع علومك كلها واحفر لها وادفن لها

ان كان ماتغبا العرب تخطي عليك وتستطير=لاتبدل كبود العرب ياصاحبي وتعلها
ياهل الديار اللي تذكرني باهل سودة عسير=انا ليا ذكرتكم زرق الدموع اهلها

ماعندنا لوجيه بعض الناس غير الزمهرير=علم قليلين المعرفه يامطني قلها
ياهل الخيام اللي يلاعبها الهوى تالي عصير=الله ولا ناس ٍ عيال القوم تاخذ بلها

ماعندك الا العافيه لو قلت لك علمَ خطير=يامل عينك من مطني يافهد ياملها
هاذي على ربعك تصير وعند ربعي ماتصير=والله يا لولا عزوتي يانجد ماتحتلها

ياقشر حظك يوم حول بك على البحر الغزير=البحر قدمك مار كبدك ماقدرت تبلها
الحق واضح مايغطيه الكلام اللي كثير=لولا الامير اللي ولاكم كان ماتاصل لها