المشاركة الأصلية كتبت بواسطة الفالح انت وش سويت مع صاحبك عبدالمجيد=قالوا انه فالاداره منعك من الدوام

ماذخرت الفعل عنكم ولا الراي السديد=ماراضنك محتلم يوم طاب الك المنام
تحسبني مثلك ارشيه وارسله بريد=والله اني مااعمل الا بدستور النظام

كان تبغى الحور وتموت يالمسلم شهيد=صل طول الليل كله تراويح وقيام
انت رجالٍ تعاند وأنا ماني عنيد=مع رجال المعرفه لي معزه وإحترام

انت منت ابحارس الجنه ولنته بسيد = واما انا لاحان فرضك تقدمت الك امام
مانعاند غار من يخطي الدرب او يحيد= حظنا قايم ومن طيب راسي يوم قام

انت تحت التجربه( تو)ما جالك رصيد=واكتشفنا انك تخلط الحلال مع الحرام
راسك أصوك مار قلبك حضيت إنه بليد=قمت تبحث ثم جتك النتيجه فالختام

والله اني مغتني من فضل رب العبيد= مار دل الدرب قدام نلحقك الملام
ماعليه من زبيده وهارون الرشيد= زادهم معروف دايم قفار بلا يدام

مانذمك مغتني مار نوب تلف حيد=خايف انك يابن عمي تعرض لاصطدام
انت جبت العيد ياجعل والله ماتعيد=مار خذها بعد جاتك على أفضل مايرام