يومك حريص وعجل وش دخلك فالزحام=ارفق على نفسك ارفق لاتحمالها
ساعد خذيته بنيه صافيه فالكلام=واثره يعوج السوالف كل ماقالها

الحرص واجب ترا وانت رفيع المقام=احرص علي دلاتك واحرص لفنجالها
ساعد يسوقك ترا والصقر ما هو حمام=واثر المعاني براسك شوش ارسالها

ترى الرديه تغادر سوقنا ماتسام =ماليبها وانت برضه مالك ومالها
ديرة ربوعك زبيد الشام ماهي بشام=لاتتجه لشمال اتضيع بعبالها

الاوله جاتنا منك عليها تلام=حنا نجازي رجال القوم بـ اعمالها
حنا قبيله كبيره لا تزيد الكلام=رجال وقت المواقف تعرف افعالها

ماجاك غير الوفا والطيب والاهتمام=والمقبلات اقبلت يمك تهيالها
ماقلت فيكم ردى يامعربين العمام=مير العرب في بعضها وش يورالها

لك الله يا ابن العرب منت بــ لابس وسام=وان كان عقدتها موجود حلالها
نقدر نحج ونطوف لبيت الله الحرام=لكن بعض العرب تصريح يبغا لها

تراك ضيعتها بين الركن والمقام=دورعليها تراك ابطيت تبرالها
تدري سبب دوختك من قوة الارتطام=راسك تقول حدجه وتصامخ جبالها

وشلون ضيعتها وانا محزم حزام=وانتم جمال(ن) ترا معروف جمالها
مالك ترا يا العتيبي غير حد السهام=يا شين وجبتك فال الله ولا فالها

دامك ماتحسن صلاتك صل خلف الامام=وامام حرب ان توضت حرب يقرالها
الديس في فمك وانت اثرك بسن الفطام=ياليت حرب العزيزه تفطم اطفالها

المشاركة الأصلية كتبت بواسطة ركيان مسعدالمغيبي (المشاركة 1136827) دامك ماتحسن صلاتك صل خلف الامام=وامام حرب ان توضت حرب يقرالها الديس في فمك وانت اثرك بسن الفطام=ياليت حرب العزيزه تفطم اطفالها