الفضا والطبيعـه للمخايـل عطـاش=واكثر قلوب خلقه للمعاصـي عطيـش

كلام هذا الواقع نسال الله السلامه والعوده الصادقه

صح لسااانك شاعرنا جزل دائما يا سلطان

تقبل مروري

روح الوسم ما جانا منه لو رشاش= والسبايب ذنوب الخلق كثر الحشيش
الفضا والطبيعه للمخايل عطاش= واكثر قلوب خلقه للمعاصي عطيش
الحسد والرذيله والقلوب الغشاش= سادت بمجتمعنا عقب ماهي طشيش
يالله بعوده لربٍ كفيل المعاش= دامه امهل علينا ما جزانا بطيش
ومن توالي جهوز الوسم يرهش رهاش= يجهز وكل وادي يحتدم ثم يهيش
ولا تعانق سهلها والجبل والدشاش= مع معانق بركته يسًر بكل عيش