سلام تسليمة وفا من شاعرٍ فكره نظيـف=اليا وقف ياخذ على نظم الثميـن الاولـة
العام راغب للقنص واليوم لك قلبٍ معيف=ياشين من يقفي عن اصحابة وينكر منزلة

اهلا هلابك مرحبا احد من حـد الرهيـف=من شاعر(ن)دايم يجيب الوافيات مكملـه
العام دمرنا القطاء واليوم نطمع بالشريف=والله مافكه يالذيابي لين يعلن عـم لـه

تراك لولا خطتي .. وسياستي وضعك مخيـف=بهذلك ابو شوشـة يوريـك النجـوم وترسلـه
ان جيت لي جاك العقل وان جاك خاويته خفيف=الله عليـه يصبّـرك ياشيـن ويصبّـر هلـه

وانته ترى لوحنكتي خلوك في جنـب الرصيـف=لا ارسلته إلنا يرجـع ألكـم يالعتيبـي وازهلـه
ان جيت لك جاك السعد وان رحت وضعك يالطيف=اصبحت فـي سلـه مهمـل بالسـلال المهملـه

العام راشد مايعرف الصيف من فصل الخريف=واليوم ينفخ في ذروبـه ويهـرج بالمرجلـه
والله يالا هاك المطوع راعي البيـت المنيـف=اني لاسوقك سـوق جمّـالٍ مطاوعـه جملـه

العام غالب ماتعدى دغيبجه واهل العطيف=واليوم رمحه في يساره ياعتيبـه شايلـه
حذراك تقرب منه هاذا البيت للضيفان ريف=وتحته تذرى من لهيب الشمس وقت القايله