لو انه غير الدستور فينا ما يصير قصور=وذاك الكوكب اللي خابرينه ماطفى نوره
احد ماهوب منها في عذر واحدن بها معذور=وبه شعار مغموره وبه شعار مشهوره

الله الله

نعرف قصور ماش قصور بس المشكله فالسور=احد يبني وحد يهدم وحد مغير ديكوره
ليا منا تحاشمنا طرحنا الثور فوق الثور=وتبتل الكبود اللي من العدوان مقهوره

ترانا يالذيابي مانهد المنزل المعمور=وكلن يجتهد ويجيك جهده حسب مقدوره
ليا منا وقفنا معك ما يلحقك ظلم و جور=تبا نفرح عيون اصحابنا وتبات مسروره

الله الله

عمرنا القصر يابراك واخذنا من الميسور=وبعض الناس لو يبني يهد القصر وجسوره
الا ياصاحبي براك لنـ جينا حكمنا الشور=نضد الظالم الجوار ثم نسد حنجوره

نبا ناخذ بشورك كان شفنا فالامور امور=مدامك مستشار الروقه اللي تاخذ بشوره
نعرف العلم الابيض يالذيابي مانعرف ندور=تبانا نلعن الشيطان والا نعلن الثوره

ياسلام ياسلام

لكل الله ماشهدنا يالعتيبي في شهادة زور=لكن اللي ماخاف الله يبا يشهد لدكتوره
ابن عمي ما غشه والله اني ما حجبت النور=لكن مد النظر والسالفه لابد مخبوره

علوم الناس واجد يالذيابي و الصدور قبور=لكن استر على الاجواد و الاحوال مستوره
عسى رجلن يغش الناس يحرم من بنات الحور=لكن ان ماعرفت السالفه وضح لي الصوره