ماش حملٍ يابن مشيب يوجّب مقامي=وانت كلمتك هذي بعتبرها خطيه
والنعم فيه لكن لاتصير الحرامي=ينتحل شخص غيره عم والا خويه

لاتهاون ترى مانت برشيد الزلامي=ثم نوردك يالروقي حياض المنيه
انت يامغيري لعاد تسر الظلامي=تابع افلام والاتابع المسرحيه

من وصل مبتغاه يقال شخصٍ عصامي=ومن يقدم لي الحسنه ماجازيه سيه
لاتزل الحدود ولاتعدا النظامي=ثم نكويك بالميسم ثمانين كيه

انت فاهم ولكن بس تبغا محامي=والمحامي يبا يمسح عليك القضيه
من تعدا حدوده نخزمه بالخزامي=لين من فعلنا معاد يطر الرديه

وانت في هرجةٍ مرّت عليك انهازمي=يابن مشيب تراني معتبرها عطيه
يابن مشيب لاتنهيها وتصبح ختامي=وانت راعي ترفق لاتضيع الرعيه