القلم ما دوّن الا سطر في صدر الجريده = والرخا هرجة سعه ماتنصرف في وقت شده!!
لا تلد الشوف والعربان في جنبك مهيده = قدر ضيفانك شبب ماهوب ياسلطان بده!!

المهم ان السطر يالعازمي جملة مفيدة = تاخذ من الضلع ثقله والبحر جزر ومده!!
الطراقي نص كم وقدرهم قدر العصيدة = واعتذرنا عن وجوبٍ هزل مانقدر نمده!!

الخرافات القديمه والاساطير الجديده = ماتغيّر شئ فالواقع ولا يمكن تضده!!
لو تبنّتك الحديده يالجذع رحت الحديده = لا تقول البن الاشقر مال نفسك فيه لده!!

الشريط اللي مضى لك كان تبغانا نعيده = الجذع سلطان قدمك وانت فارضٍ مجرهده!!
ماالنا مقصد وغايه في الحباب وفي عبيده = كل واحد مكتسيه العز من خاله وجده!!