ليه ثنّيت رجلك قبل جسر الرصافه = وانت هرش ٍ مضرّا للحمول الثقيله
لو بحثنا سجل ارشيف ركن الصحافه = كم رجال ٍ تشابه فالعصب والفصيله

شاطي البحر الابيض من جلس في ضفافه = مايشوف الهدا وجبال نجد الطويله!!
أترك المعتمر يسعى ويكمل طوافه = من يعرف السحاب اللي عيونه تخيله!!

كان تبغى تمكّن في زمان الخلافه = لايروعك شرار الزند عند الفتيله
انت ودك ولكن كل شيٍ تخافه = مير لاتورد الجذعان ريع الفشيله

لايعلمني اللي مايفارق لحافه = منسدح في مكانه طول يومه وليله!!
غلطتي يوم عاملتك برحمه ورافه = ما رميتك تحت حدب السيوف الصقيله!!