الساعه اربع ونصف العصريوم الخميس=لمحت عنق المها وأعجبت بوصوفها
قمت اذكرالواحد المعبود واللعن بليس=قدام الأسباب من نظراتي تحوفها
وقفت مذهول واظرب في خيالي واقيس=وأحترت مابين غرتها وملهوفها
تحمس قلوب الأوادم لين تصبح حميس=اليتني رحت قدم عيوني تشوفها
منها بلاط الوزاره صايرن له ظريس=يشفق عليها ويشكي ثقلة أردوفها
واناأشهد انه حظيظ اللي تجي له جليس=ولايلحقه لوم لو يقبل اكفوفها

في ذمتي ذمه ماتستاهل الشين=يامسندي ياعزوتي يابو ماجد
يااللي بطيبك يرجحن الموازين=لك في سنام المجد مجد وتواجد
من كثر مانغليك تدمع لك العين=قامت دموعي فوق خدي تراجد
بعدالزياره رحت مدري على وين=البال ظايق والهواجيس واجد
مرات اسج يسار وأمرار" أيمين=وامسيت هاجدني من الظيم هاجد
لاكن على ماقدر الله مطيعين=ولافي يدينا الا الدعاء في المساجد
عسى لباس العافيه قولو آمين=يكسي عشير الغانمين ابو ماجد

ياقلبي اللي قام يشكي مواجعه=اللي بعد غابت عنه جات راجعه
غابت عنه لاكن سريعا" رجوعها=وعزي لقلبي فاجع الشوق فاجعه
متواصل"دايم مع الحزن والعنى=وهمه ليا منه بغى النوم ظاجعه
اليوم ومس وضيقة البال حاظره=ولاغمضت عينا" لها عام هاجعه
أمشي ودل الدرب وحيان اضيعه=ولافيه دكتورا"خبيرا"وراجعه
حمامة غابت وصدفه صدفتها=ياليتها فوق اخضر الغصن ساجعه
ماولعت قلبي وهزت مشاعري=اللي بعد غيبة سنه جات راجعه

وسلامتكم

اللي بمسيار العصير صدفتني=ياجعل فدوتها جميع المسايير
غندورت"في حبها ولعتني=انا شهد ان ماهيب مثل الغنادير
غندورت" لامنهاكلمتني=من فرحتي كني عن الأرض بطير
هذي هي اللي باالغلا بادلتني=وهذي هي اللي عن جميع البشرغير
وهذي هي اللي كل ما صافحتني=حسيت باالأعصاب رعشه وتخدير
وهذي هي اللي كل ماقابلتني=أما صباح الخير والا مسا الخير
أنسى الهموم وفرحتي عانقتني=مع طيفها كن الفرح له تباشير
وهذي هي اللي لأبعدت ضايقتني=((الضيقه اللي دائما" حزت عصير))
وهذي هي اللي من بعد صاحبتني=اقول جده غير في ذمتي غير
حيث ان جده باالغلا عرفتني=جينا بها يوم أجمعتنا المقادير

وسلامتكم

اليوم ظرفه حصل والخوف من بكره=أمرا" مقدر ولا اعرف حزت اقلاعه
له سكرتآمثل مال الموت من سكره=ولاله دواء الا الرضى والصبر والطاعه
وفزعت كريمآ شهربين العرب ذكره=نفسه على كسبت الناموس طماعه
اللي بفعل الجمايل مشغلن فكره=يتعب ومن طيب راسه مانقص باعه
طيبه من ابوه ورثآ له ومحتكره=وطبايع ابوه ماتفرق عن اطباعه
وقت الشدايد يجي فالبال وأفتكره=ولا راودت نفسي الشكات في ناعه
حرآ شهر لين صار المجد له وكره=ومن قو باسه يسر البال مشلاعه
الطيب من لابته ماهوب مبتكره=يرفع شراعه مهوب يسفط اشراعه
واصبح بفضل الولي محبوب مايكره= سمي نبينا واحد من اتباعه
ياحي راس ابوعبدالهادي وذكره=النادر اللي سوات الجدي مطلاعه

سلامتكم