ناصر الجلاه =

أدور سعد لي مـدةٍ مالقيتـه ويـن=يغيب العصيمي جعله في غيبته خيـره
هلا مرحبابه لإن حضر صامل الزندين=يطيب الهجوس ويدلي الدلو من بيـره

سعدالعصيمي =

سعد صامل الزندين حاضر مع الصفين=وهاجسك لامنه حضر دق تحجيـره
يدوم البقا والعلم هاته يابـو شريـن=لك ايام دربيلك معك تسبر الديـره

ناصر الجلاه =

أنا معك كيف ابدى من يسار وألا يمين=مادام إن قدامـي ملـفٍ وتدويـره
أشوف الكوارث كلهـا فالعراقييـن=يصيحون في كركوك وفجيره فجيـره

سعدالعصيمي =

ابا احط راسك تحت سيفي تروح منين=انا عنك ياناصر ابـا بـس تاشيـره
ليا شفتهم عود على ام الدلال الزيـن=وانا اكفيك كان الحرب دقو على زيره!!

ناصر الجلاه =

نصيحه ترد السيف لا حزة الغازين=هجومك دفاشة و أبرة البنج تخديره
أنا مشكيت الحال ياحالة المسكيـن=اشاورك واللي يستشيرك كذا شيره

حرفنا البنادق بعد شفنا غراب البين=نحب الرمي لكن بعض الرمي عيره
انا كيف ابضحك والعرب للقنص مقفين=وراعي سنام ازرا يجيب العشا طيره

على منهج الصاحين يامشقي الرجلين= لاتجلس مع المجنون ويجيك تأثيره
اشوف العرب تدفع على أرواحها التأمين = وراعي سنام يسد فعله وتعبيره

ترا ماعليه كانها اشتبكت الخطين=هذا عندكم ياهل التلافون تدبيره
عسى عمر ابو تركي يطوول وقول اميين=هذا الشاعر اللي كلنا مانبا غيره

نشيل الظفيره ثم نشبكلك السلكين = ولعلع وروح بــ/جرف لا بطن دحديره
هذا شاعر الروقه وبرقا بلا تخمين=عسى الله يطول عمر من سيرته سيره