انا ماهقيت الذيب يضحكبه الفار=ولاصوات تفضح مانوى منتخبها
غريبه عجيبه يالجذع بعض الافكار=سواة الجروح اللي مايعرف سببها

أنا اشوف من لا يعرف الشعر شعار=وهذي يدليها والأخرا جذبها
ترا الحق مثل السيف صارم وبتار=ويقطع يدين الباطل اليا ضربها

ياكثر القرود اللي يلدون الانظار=على كثرها مالله محقق طلبها
على كل مرقابن ثمانين سبار=وفارس وحيد اللي مسبب تعبها

ترا للعرب حشمه وشيمه ومقدار=وراع الفتن ناره يزود حطبها
وترا اللول ما يطلع لك ابكل محار=ومهد الذهب معروفةٍ من ذهبها

انا عارف ان الموت قصاف الاعمار=ومن دور السهله مايطعم صعبها
ترى ما على الموضوع ياربعنا استار=ولا احدن يلحق كل نفسن نصبها

يا ماجد وراك اتدور في وسط دوار=وعينك عن اللفات يغضي هدبها
ترا الناقه اللي ما تضير على حوار=تروح مسوح ومن يجي يحتلبها