كل بيت ٍ شرقي اقفل ياوسيع العرف بابه = وانتبه للمهره اللي من جبل سلمى وغادي!!!
بعد ماجاك السؤال اللي نبي منكم جوابه = لاتغير فالجواب ولا تقول الوضع عادي!!

ما علينا خوف دام السيف عزه من نصابه = وقبل نعرف من هو الصاحب عرفت اسم المعادي
والله اني حاسب ٍ لااياب وقتي مع ذهابه = مير والله ما احد ٍ يفرح سبب كبوة جوادي

وسع النظره شويه فالقراية والكتابه = واعرف اني درع جنبك فالصباح وفالهجادي!!
انت وش خلاك مع خنذف تهاجر عن شبابه = لاتلف ولاتدور ولاتصيح ولاتنادي!!!

اعرف اني ما تجاهلت العنوه والقرابه = وخابر طيور العشوش وخابر طيور الهدادي
استفدت من التجارب والمخادع وش نبابه = والهلالي لجل مصلحته يزور الاتحادي

انت يابن دحيم ذيب وواجهك ذيب الذيابه = فارس ٍ لاواجهك شالك على ظهر الجوادي!!
الرويس اليابتدا بالعلم الابيض مانتهابه = له عيون ٍ يوم اوصفها كما عيون الجرادي!!