العصيمي وش يبا بالعد قله والكثير = يستهد السابقه ويحط يده من ورى
العرب ما تقنع الا عند تحديد المصير = والنتايج مثل ما بين الثريا والثرى

كلمة الجاهل يعدي فوقها للشيخ الكبير=والعصيمي مجلسه دايم شيوخن واومرا
نكبة العربان دايم من حماقات الغرير=والفضيحه حاصله والحظ حوط بالزرى

كيف تصعد للجبل وتقول ياصعب المسير = يا رجل وش قلت لو ناظرت في هضبة كرى
انت ياماجد مثقف وانت رجالٍ خبير = كيف تسقط يا ردي العزم وانته ما ترى

جيت بدهن سيرها لكن عيت لاتسير=والملامه فوق من يمرح لحاله فالعرى
الجحش ماينقل اللي ينقله ظهر البعير=والبعير اليا لقا حملة جحش مايخشرا

يا مدير افطن في قوله يامدير ويا مدير = كيف ياخذ رتبة الشيخ وكلامه منكرا
كيف تطمع بالمراكز وانت يالطامع امير = يارداة الحظ مدري يارداة المظهرا