الجدي مايغازَل ياعريب المجاني = مار عدّل وبدّل لين تلقى هدومه
كل ماجاك من فكري ومنطق لساني = ناتج اعن المخفّى فالمعاليق كومه

إعتبرها على ماقيل كبوة حصاني=لاتصير اقشر ٍ من مر قدمك تهومه
جيتك بعلم و انته جبت لي علم ثاني=من دلالات خوف الرجل سرعة هجومه

نعتبرها عشر لكن صارت ثماني = مار ابنصحك لاجيت الغلا لاتسومه !!
السوالف كثيرة فسّروا فالبياني = علمًا إن النتايج يالرفيق محسومه !!

أمر ربي وقع ما بين مجني و جاني=هكذا ما يموت الآدمي قبل يومه
قالو انه ظهر فيكم نبي هالزماني=والله العالم بصحة صلاته و صومه!

من يجيب العلوم اللي بليّا معاني = يبلش فغبّة الحنجور حزّة يعومه
نعرفه رجل صالح واله رفعه وشاني = أعرفه زين نفسه دين ماهي ظلومه

مانجيب العلوم الا عليها ضماني=مير مدري توافق معه والا تلومه
كيف ينزل عليك الوحي يا مودماني=والكرامات من عهد الرسول مختومه