انته تقوله والدعاوي تياسير = في حق ربعك لا تجيب الرديّه
وجه ركابك في نحا حرب ومطير = يالفارس اللي مالقيناحليّه

يامال فرقا العين وش هالتفاكير=راحت علومك بين روحه وجيه
ومن لا يعرف الحر يشويه كالطير=يا جاهل الاحرار تبشر بسيه

الحر .. يفرق عن قصار المناقير = يامال فرقا العين دنيا دنيّه
مالي ورى بعض السوالف مداوير = اللي يبا العليا تراني خويّه

اعذرنى اخوى مرزوق على التاخير
الصلاه فى وقتها وانا اخوك
استلم طال عمرك..

جساس مايشبه ترى سالم الزير=ولا لا تزكى نفسك المجد ليه
نعرف رجال الطيب واهل البرابير=ولا نلتفت لاهل العلوم الرديه

من منطلق بعض الجمل والتعابير = مافيه داعي تجحد الواقعيه
نعذرك لو يظهر على الجهد تقصير = ماكل عيّه بالميادين عيّه

الطير يكفخ بالجناحين ويطير=ومعلمه ربى ورب البريه
واقبل تحياتى وانا ناوى اسير=واقبل سلامى والخوى لاخويه