ماقلت غير الصدق والـدرب ممـدود=جايك وجايـب لـي قـرار ٍ وزاري.
البيـض يارجـال ماتشبـه السـود=وان كان غاوي شف طريق الطواري.

من يوم جاك من العباريد عبرود=نكبت نفسك وأنت منته بداري
ترا قليب ارماح برماح مارود=وأنته تغني مع هبوب الذواري

العلم خله بيننا حد محدود = بيني وبينك مايصير المطاري.
رماح دار سبيع ياحامي القود = عندك خبر كل شري وخاري

ما غير رب الكون فالكون معبود=واللي تحدا ما لها خصم غاري
أنت تعرف اللي من العلم مقصود=وترا الجروح الها طبيب استشاري

اليا غزينا مانجي غير بالفود = خل العتب في يوم ذات الصواري.
من دونها لفة وضباط وجنود = والظاهر ان الجرح ماهو بباري.

ترا الدعاوي كلها سهود ومهود=اليا طرا لـ الناس بعض الطواري
ترا الخيال اللي به ابروق وارعود=اليا سرا برقه ينير الغداري