ابراهيم الجـــــذع

اليا خذينا معك طاروق والجو كايف والهدف راق=سوق الجمل مع من يسوقه اليا خذينا معك طاروق
جاك الخبر وأنا ولد روق نبا نعلقها بمعلاق=والغيث لايحةٍ بروقه جاك الخبر وأنا ولد روق

معجب العتيبي

اليا لعبنا معك ياذوق نرضي هل المعنى والاذواق=والقاف مانخلف طروقه اليا لعبنا معك ياذوق
كلٍ معه قدره ومنطوق يالتاجر اللي طب الاسواق=والرجل مايجهل حقوقه كلٍ معه قدره ومنطوق

ابراهيم الجـــــذع

شاركبها بمزاين النوق يا اللي تسوق اطوال الاعناق=اللي يبا يبرز بنوقه شاركبها بمزاين النوق
وشلون ينزل داخل السوق اللي بدون اثبات واوراق=واللي يبا يخفي عموقه وشلون ينزل داخل السوق

معجب العتيبي

القلب ضخ الحب فعروق وقنيتها من زود الاشواق=والادمي ماباع شوقه والقلب ضخ الحب فعروق
الادمي من طين مخلوق واللي عطاه العقل خلاق=واللي فقد عقله يعوقه والادمي من طين مخلوق

ابراهيم الجـــــذع

يا مطيب اللي نظرته فوق شد المعرفه شد مسباق=والتمر يقطف من عذوقه يا مطيب اللي نظرته فوق
كم شاربٍ فالوقت محلوق من يوم جا لروس حلاق=وتعود ما هي بمحلوقه كم شاربٍ فالوقت محلوق

معجب العتيبي

هالحين يابراهيم محقوف في كلمةٍ ماهيب تنطاق=الحق لاتخفي شروقه هالحين يابراهيم محقوق
الزول اله بصمه ومعلوق ويسير بين الناس بالساق=ويبين لو غيّر بذوقه لان اله بصمه ومعلوق