الناس تذكر فعايل للذيايب أحيا والاموات=لجل أن مابينهم دايم يصير امناوشاتي
أصدها بالدروع وكنها راحت والاجات=والرمح ينهيك لن صابك وتبشر بالمماتي

المعرفه مع كثير من العرب كذب ودعايات=والا بعضهم تشوف الطايرات اموقعاتي
ياسر عرفات قفا والبلا صايب عريقات=لو أبو مازن مع اسرائيل يبغا معاهداتي

كلٍ نشوفه على كيفه يسوي له علاقات=وأهل الدعاوي تجدهم يالجذع في مناحلاتي
ومن مات سده مماته والبلا راع الصداقات=مع دولة الكفر صاير له علاقات وصلاتي

قدام لقرا عليك الفاتحه واقرا التحيات=وين انت ساري يا هذا الذيب فارقك السباتي
عز الله أني نصحت الذيب مراتٍ ومرات=لين أنها مرته ثم ضرته علمٍ ثباتي

الفاتحه والتحيه في صلاتك ذكرها فات=والذيب يبغا العشاء ومن بعده يصير المباتي
ونصايحك ليتها تسرك وأنا مادور وصات=والله يضره هذا الشيطان راع المغرياتي

يا ذيب لو الجمل يهبدك تاخذ خمس لفات=لن هاج لو تعترض عنده مثل فرخ القطاتي
الحجه اللي تجي من يمتا بشهود واثبات=معدالكم يا النفيعي واستلم صك البراتي