أنت ذنبك فوق جنبك وأنت مجني منت جاني=مير عد الضلع عده ثم عد اللي تشوفه
أنت من طول الليالي مختلف شانك وشاني=مير حنا كم وكم من واحدٍ درنا كتوفه

سلم الله من جذبلك دلوها مثل السواني =لين جاتك ياولد عساف بخطام معسوفه
اعرف الحر المبرقع واعرف الحر العماني =واهل الصيد معروفه واهل الجيش معروفه

سلم الله واحدٍ ما عودت عشره ثماني=ما مشا مع سكة التطبيل ويطبل دفوفه
اعرف السبع العجاف وعارف السبع السماني=وان نويتوا بالنكوفه ما نوينا بالنكوفه

والله اني ماحسبتك غير واحد من خواني =والرجل صندوق ماتعلم وش اللي وسط جوفه
يستر الله لا تطول ابي الدقايق والثواني=انتظر غيث السحاب اللي مزابيرٍ قنوفه

عندنا صكٍ على الدعوى مثل عقد القراني=لو حاكم ذيب ينصا الشاوي وياكل خروفه
ما عرفت الدرب لين أنك عرفت الخيزراني=لا يشيب القاف عندك لين اسويلك بروفه