حكيم الشور في مسراه يصلحله حكيم الشور = ومكنون الضماير فالصدر . هات الذهب هاتـه
ليا صفّت طوابير الشجاعه فاخر الطابور = نحصّل من يديرون الظهر . هات الذهب هاتـه

لاطارت طايرة حنا رزقنا الله عيون صقور=نوقعها قبل لمح البصر .. هات الذهب هاته
ياكثر اللي لطمهم من بحور الجور جور بحور=وشفناهم على سيف البحر .. هات الذهب هاته

تولاك الزمان ورحت مع قومٍ بليّا دور = ليا حمي الوطيس بلا ظفر. .. هات الذهب هاته
زمان العولمه مرخي ظلاله كنّه الديجور = علاكم والله اكبر من سطر .. هات الذهب هاته

انا احسبك مع اهل الحق ماتشهد شهادة زور=واثر عقلك كبر جمع الوحر .. هات الذهب هاته
تطورنا ورحنا وانت مثل الكور فالمظهور=على ظهرك يقضون الامر .. هات الذهب هاته