حياك الله يالعبيدي



اولا الحفله اللي كانت فيها الرباعيه من بدايتها ومن اول طاروق اللي كان
بين شاعر اظنه المكودر وبين العضيله وكان الطاروق حول بن شايق ورجوعه
ويقول المكودر
اعتدل شد ريمه عقب ما كان مايل
...................................... يوم جاء اللي مسكها بالرسن والخطامي
وقال زيد
كل ابوهم نشاما يابسين البلايل
.......................... والخساره بخشم ما يعرف العرامي
وطاروق بن عتقان والقرقاح
قال بن عتقان
عسى المسلم اللي قام فرضه يصليه
.................................. ولا يلحق منا ملام وخطيه
قال القرقاح
كثير العرب وده ولا عاد يمديه
............................... عسى الله يجيب المزنه الموسميه
وطاروق بن شايق و العضيله
يقول بن شايق
ما انت بحليفي وحالف لا ارتكي لك بالمشاهيب
يالين حتى يجي جلدك مثل جلد الربابه
من المقصود في هذا البيت كثير اللي يقصد بن سلمي
لكنه القصد القرقاح والا ليش يقول ما انت بحليفي والكل يعرف
ان ما فيه حلف بين اللمطران والقحاطين ويؤكد كلامي
بيت بن شايق يوم يقول
الاجناب فيهم ربع والربع فيهم ناس اجانيب
....................... يمكن تحصل بعيد اخير من بعض القرابه
ويقول ايضا
اما افلحوا يا مطير وجنوبوا والحل تجنيب
.................... والا على على قولهم كل يزود في زهابه
ويقول ايضا
ترا الاسد في عرينه محتميه وقربه صعيب
................... اسمه ملك غابته واسماء الاسود ملوك غابه ..

وموال بن شايق وبن عتقان

الهندي اللي تغزل في نخل بيشه ورد بن عتقان يقول عدو يراسل عدو واوضاع مكشوفه


وقبلها في الحفل اللي قبل (جدتك فاطمه وانا اشهد انك ولدها )


واخيرا اتمنى قبول وجهة نظري ويشهد علي الله اني ماقصدت الاساءه لاحد

والسلام عليكم

يالمثاالي والله ماعندي نيه أرد لكن ياخوي لو كل واحد يحلل على كيفه شفت العجائب

أناا حاضر الحفله الي تقول وابن شايق لايمكن ينقص من شاعرية القرقاح ولامن مكانته

وفي عدة لقاءات معه يقول شاعر قحطان القرقااح فلا تخلط الحابل بالنابل وفيهاا نقاط بردكـ فيهااا منهااا

الي تقول مع زيد منت بحليفي هاذي كثيره يستخدمونهاا شعار المحاوره وليس المعنى كمااا فسرتهاا

أجل بنقول تركي مهب حليف ملفي عشان كل واحد من قبيله بالعكس كلهم متحالفين وهذاا ملحوظ بين

أغلب شعراء المحاوره

حفلته مع زيـد الي يقول ( جدتك فاطمه ) اسأل كبار الشعراء والمحللين إذا كنت تجهل هاذي المحاوره

كامله يقصد بهااا الهاجري في قصيدته التي لم يذكر ابن شايق فيهاا والمعنى واضح للجميع

ومسألة مواله مع ابن عتقااان (( الهندي الي تغزل في نخل بيشه )) هاذي كان يقصد بهاا الحوثيين

وواضح المعنى ويؤكد ذلك قله يدور كفيل ويطلب العيشه ويحتمل أنه يقصد ابن ثايب بعد لقاء مع ابن

ثايب وتكلم في ابن شايق وذكره هاذي تحتملهاا


تقديري لك ,,,,

اخوي محمد ودنا نتناقش وكل يتقبل الاخر بصدر رحب

قد اكون انا مخطي وقد تكون انت المخطي ..لكن ودي

توضح المقصود فالابيات التاليه.


يقول المكودر

اعتدل شد ريمه عقب ما كان مايل
....... يوم جاء اللي مسكها بالرسن والخطامي


ويقول بن شايق


الاجناب فيهم ربع والربع فيهم ناس اجانيب
...... يمكن تحصل بعيد اخير من بعض القرابه


وليش يرد بن عتقان على موال الهندي اللي تغزل في نخل بيشه

بقوله عدو يراسل عدو واوضاع مكشوفه .وبعدين كيف تقول المقصود الحوثيين وبن ثايب




وبالنسبه للحلفله اللي فيها جدتك فاطمه صحيح المعنى على الهاجري والشيخي والقرقاح


والموال اللي يقول (انا ماني بمثلك فالبلتوث اهايط )هو اللي رد عليه القرقاح في حفلة اللغف فالرباعيه
يوم قال ... وش دخلك في بلاتوثي وجوالي )ورد زيد وضح الموضوع اكثر
يوم قال (تراك سوالفك ملفوفه ما تعنيني ... لحيتك ماهمها الا لحية خميني )


وسلامتك

بالنسبة للمحاورة اللي بين ابن شايق والقرقاح اشوفك يالمثالي تبي تركب المعنى بالقووووووة


المعاني واااضحة جدا ولا اشوف فيها شي بيت القرقاح اللي يقول


تباشرو ياقحاطين ** بالجحدري والعبيدي // الجحدري :ابن شايق والعبيدي :القرقاح


وبيت ابن شايق اللي يقول : انا معي نازع الدين ** ومع بن عتقان زيدي


زيدي هو زيد العضيلة ولا اعتقد انه بيقول لابن عمه ذا العبارة


ويوم قال :قحطان وعياله اثنين يقصد نفسه والقرقاح والبداية كانوا يمتدحون في بعض

محمد بن خالد


واضح انك فاهم المحاوره ومعانيها ورموزها وانا اسف على الغلط

المثالي


يا ليتك تستمرّ في طرح المحاورات المميّزة بعيدا عن التحليل لأنك قد تفسد جماليّتها



ألاحظ انك تريد عسف الأبيــات لصالح معناك بالقوووة :)




ليكن في علمك ان طارووق بن شايق وزيد كان سياسي بحت !!:confused:
%اللي يقول الاجناب فيهم ربع والربع فيهم ناس اجانيب%





ثانيا طارووق المكودر والعضيلة المكوردر فرح بعودة بن شايق ويحق له !!




ثالثا : طارووق بن عتقان وفلاح

يقول بن عتقان

يقولون غير البيه طالع مية بيه

فرد فلاح

هم اثنين والواحد يقابل سريّه


والكلام مضاريع كل يولده على كيفه !!



ارجو منك الدّقة والمثاليه في النقد كما هي في انتقاء المحاورات :rolleyes:


محبك

حياك يا رايد


اولا قد اكون مخطي لكن انا وش استفيد من عسفي للابيات على معاني غير معانيها .


ثانيا طاروق بن شايق وزيد ماهوب سياسي واراهن على ذالك .


ثالثا طاروق المكودر وزيد هل من حق المكودر الاستنقاص من قدر القرقاح وشعره ؟


رابعا طاروق بن عتقان والقرقاح واضح ومثل قول بن عتقان (يجوز ان صدر الادمي فيه ما فيه )



واتمنى منكم ان تعرفون ان طرحي للموضوع ليس لقصد الاساءه لاحد


وحياك مره ثانيه يالكيرعاني

شكراً على النقل الرائع

المثالي



أنت من العقلاء والنقاش معك مرن وذو فائده ..............




طارووق بن شايق وزيد صدّقني انه سياسي بحت واللعب على معنى شخصية معروفه ارجع لتاريخ المحاوره والحدث المصاحب لها !!


-----

طارووق المكودر وزيد ودي انك تبيّن البيت اللي انتقص فيه المكودر


واذا كان قصدك يوم يقول : عقب ما كان مايل


فكثييير من الشعراء من حبهم لبن شايق يعبرون بهذا التعبير او ما يشابهه !!


ولا ارى ان فيه انتقاص من القرقاح بأي وجه من الوجوه


--------


بالنسبه لطاروق بن عتقان وفلاح


فوجهة نظر عبدالله غير وجهة نظر فلاح بلا شك !!

ودي انك تسرد المحاوره كامله للتأكد من صحة كلامي





اشكرك يالمثالي