طويق الله يحفظك مايهزه متنك الممسوح = وانا اعرف فالمواقف جود ابو عرام من شحه
حليلك ياجملنا اللي كل ماشاف البروق تلوح = مايمشي زين لين إنا نسوقه سوق ونلحه

ضعيف الرابعه مالد في قوله بعيد الشوح = يباها مزحه بمزحه يباها رزحه برزحه !!
بنينا فالزمان صروح تفنا والصروح صروح = ولو إنك تسحب فالزمن والكبد منقرحه !!

ليا جت ساعة فيها هذا ذابح وذا مذبوح = تشوف الفارس الصامل واشوف الفارس البرحه
ترى بعض السوالف ماوراها للعرب مصلوح = ومضمون الكلام اللي وصلك يسد عن شرحه

ترانا مقدم الطابور غيره مالنا مصلوح = بعدها بارد الصملات يمكن يحذف الطرحه !!
انا لو بستمع فأرياء ضعيفه فاح صدري فوح = لكن اخاطب عقول العرب ماللعرب فرحه !