لا تحسب إنّا يا بو تركي جواسيس=الرجل يقدم و لا ينظر خلافه !!!
ما ياصل المردمه من زار باريس= باريس فالغرب عاصمة الثقافه !!!

لاتندرق وانت معك السيف والكيس=اصغر زلل من جناب الطيبب آآفه
المردمه دار اهل فخر ونواميس=وباريس قطعة فراشه من لحافه

ليلى تعرف العرب مجنونها قيس=يحبّها و إحتفل ليلة زفافه
فالمعركه ينطح الفرّيس فرّيس=يوم أكثر الناس في قلبه مخافه

الحارثي نجم لكن مع تفاريس=ماينفع المحترف كثر احترافه
كم واحدن فوق زنده ياقف التيس=وضلوعه الين واهش من الكنافه

لافكه الحارثي جاء حمزه إدريس=لو هو صتيمه يصير إنسان ( تافه )
يا اهل القلم و المحابر و القراطيس=حياتكم كلها ذل و كسافه

يضحك حجاجه على وجيه المعابيس=تمكنه عيشه صرح اللانااافه
صقور الاوكار وفياض الجواميس=الفرق للعين يابين اختلافه

كل من شرفنا يامرحبااابه


وصحت السنتكم واحد واحد

تقديري الجم