الهيـــــــــــــلا *** منتدى قبيلة عتيبة - الليـــــــــــــــــــــــــــــل

محمد صالح العطاوي;

سلام مني سلامن بالنشاما يليق=اعداد ما لاح فالامزان براقها
اصحابنا كل رجالن مشكل فريق=احدا يقود المطيه واحدا يستاقها

[/quote]

الشهراني;

يا مرحبا بسم ربعك و المرحب شقيق=يغنيك عن كذبة الكاذب و لصماقها
اللي يحب الحنيذ يقول مبغى السليق=الله و اكبر على اهل الذوق و اذواقها

[/quote]

محمد صالح العطاوي

الك البقا عد ما فالكون حرا طليق=ومدامكم بالبلد ماتجهل اسواقها
تركت درب الجماعه ليه عفت الطريق=من طب وسط البحور يموت باعماقها

[/quote]

الشهراني

ما ودي اقول ماس السوق عوّد دقيق=و ما ودي اقول كسر القوم في ساقها
ما نيب ملزوم في درب الخطا يا صديق=يومنّ غيري ليا ما كبّها حاقها

[/quote]

محمد صالح العطاوي

الاوله قد تعدت لوصحيبي يضيق=وارزاق خلق الولي بيدين خلاقها
انا اشهد اني لقيتك بالمواقف رفيق=تضحك مع الناس تبغا تكسب اخلاقها

[/quote]

الشهراني

الاوله صدمةٍ عييت منها تفيق=غير امتنع لحيتك من موس حلاقها
اضحك و لا همني لو كان تولع حريق=انفوسكم وصْلها يعتاش بفراقها

[/quote]

محمد صالح العطاوي

انته جمل مير للحمله ترى ماتطيق=تبغا تشارك عباد الله برزاقها
خلك من اقصي الخميس ايلين وسط الشقيق=مدام تجهل غروب الشمس واشراقها

[/quote]

الشهراني

يا ما و يا ما سمعنا من زعيق و نعيق=انكبها في رضا الحمله و سوّاقها
الحمد لله مجدي في بلادي عريق=احمي شرف دولتي ما نيب بوّاقها

[/quote]

محمد صالح العطاوي

اتقولها وانت باقي يالغليم غريق=وحنا مع اهل الوفا ماخنت ميثاقها
وانته براس الجبل ياتختفي ياتويق=لانته بضداد قوم ولانت لحاقها

[/quote]

الشهراني

غريق في بحر طيب و جود ما ني عليق=انا اشهد انّ النفوس تبين باحماقها
ما عندك الّا الدعاوي و الزرا و الطقيق=دشداشتك يا العطااوي صك طقطاقها

[/quote]