ماسبب فالبلد زحمه ياكود مطير والافغان=ياثقل الناس على الحي والشارع يعكسونه
نقلت الهم يوم انك زبنت لحلة القصمان =لكن عود على مهنتك لو ماهيب مضمونه

ترا حنا نعرف اللي يصكون الطرق يافلان = اخوك اللي معداته تحفّر حسب قانونه
غذا جسمك على الرشوه وصرت تطمر الجرفان = هذا تمشط له اللحيه وذاك تحوّي قرونه

هلا يامرحبا ترحيبة الفرسان بالفرسـان=من اول يوم كلِ فالحيـاه يعـد طبلونـه
لقيت التكسي اللي مايغادر شارع الخزان=على قولة حبيب (كل خلق الله يكدونـه)

يدوم الك البقى ياللي ترحب والكريم معان=على هالعصر ومنوّل يحب اللي يمرونـه
نقلنا هم قومٍ من حصا الطايف ليا كبشان=لحيث اني لسان الشعب واللي كثرت ديونه

ماسبب فالبلد زحمه ياكود مطير والافغان=ياثقل الناس على الحي والشارع يعكسونه
نقلت الهم يوم انك زبنت لحلة القصمان=لكن عود على مهنتك لو ماهيب مضمونه

ترا حنا نعرف اللي يصكون الطـرق يافـلان=اخوك اللـي معداتـه تحفّـر حسـب قانونـه
غذا جسمك على الرشوه وصرت تطمر الجرفان=هذا تمشط لـه اللحيـه وذاك تحـوّي قرونـه

شكيت الجور يوم انا عليك نسكر البيبان=وتال الوقت راكب تكسيِ تبرم دركسونه
لاتنسى قصة الفنجال يوم يكيف العمسان=عذانا يوم بعض الناس ياكل زيت زيتونه

انا ماشره عليك ان صرت ياناصر طويل لسان = اعنّز هيبة الشرهه على قومٍ يعرفونه
تموت ولا انته بناسي وانا في نعمة النسيان = واقول ان السبب في سيف شال الراس بمتونه