المشاركة الأصلية كتبت بواسطة خيال الصفراء (المشاركة 1026323) يا سلآم سلّم ابو فهد ابو فهد :) صحت السنتكم ملياااااااااااار واصلوا متابع للفائده

اليا زعلت اضرب براسك في شماريخ الجبال= شرواك ماله غار ضربه في ضلوعه توجعه
الشق حاول تنتبه له من يمين ومن شمال=كانك ماتقدر ترقعه حنا لاقمنا نرقعه

ياشين حظ اللي يسيسها على الجرف الهيال=والله يعوض بخير دام العلم هذا مطلعه
احكم بيوت الشعر والا خلها يابن الحلال=ترى البيوت بدون معنى ماوراها منفعه

ارسلت لك لمحة بسيطة مير مافيك احتمال= فعلك يسود وجهك اللي كل يوم تلمّعه
من ثقلها عيا يقوم بها القوي من الجمال=والا انت يالنشمي لسانك واجب إنا نقطعه

وش فيك تصرفها هلل وانا مصرف لك ريال= من لايقيس البحر قبل الغوص يلقى مصرعه
اللي عقيمه ماتعقب لابنات ولاعيال=كثر الغلط يقل قدرك واسمع العلم اسمعه

افزع لبن سرحان يعطيك العمامه والعقال =تراك شايب منت ورع نسكتّه بالمرضعه
يالربع لا احد يلومني ويقول شيء(ن) مايقال = انا على النشمي معي حجة قوية تقرعه