لاهرج واحدٍ معتوه ماارد زيّه = حشمةٍ للرّجال اللي تقدّر مكاني
لاتعسّف كلام الناس ماهي كذيّه = يوخذ اللفظ ويوظّف يتوظيف ثاني

لاتعدا حدودك ثم تقدم شكيه=لو تمد العشر ماجاك مني ثماني
قدم دمخ المسمى مالكم مقدريه=يافصيح اللسان وياطويل الاذاني

ماتعدا الحدود ولاتمسّك يديّه = وان تطاولت شكرك فوق بصمة بناني
ماني منقّص ولاني بزايد شويه = يالفهيم النبيه وياشبيه الحصاني

يالدجيما محد موردك نارن لظيه=غار تفكيرك اللي نابع امن الخواني
وش تبا فالبعير اللي عديمه حليه=ان عطاك انحره يعدمك والعمر فاني

وانت تطرحك من عين الاجاويد ذيه = (( نقص عقلك وطول لسانك بلامعاني ))
عدل اسلوبك احسن ولاّ انا ماعليه = سالكٍ نهج جدي من قديم الزماني

ماعلى الذيب يالعتبان من هالعليه=احسن الغيث يالعتبان ولا السواني
انت يالاجودي مامن وراك الاذيه=والشبل مايبا يجرح شعور الغواني