المتّهم مدَان حتّى يستلم صكّ البراه=ياللي تخطّط ديرة الروقه تبا تحتلّها
في ما مضى و اليوم يا أهل الزاد يا مال الغناه=عساه يغنيكم و يبّاس الكبود يبلّها

ياللي ضميرك مات لو إنّه على قيد الحياه=و الله ما تشقح حدودك يمّنا و تزلّها
كلمتك هذي يا محمد ما تشدّ الانتباه=ما أنته بنجم ليا نزل فوق الجبال يهلّها

علي يعرف الحقّ ما يتبع بليس و لا هواه =اللي تطبّلّه ذوي زراق و يطبّلّها
العنصريه ما زرعها غير أبو مالك هذاه= حنا ما حنّا قوم خلّ العنصريه خلّها

الموذي اللي في طريق المسلم يدفّ الحصاه=حنا الرجال اللي نهين أخصامكم و نذلّها
ترى الطهاره تعتبر شرطٍ من شروط الصلاه=تطهّر و صلّ الفريضه يا محمد صلّها