| معجب العتيبي |
31-Mar-2010 05:29 PM |
معجب العتيبي
يامرحبا ترحيبةٍ تكتب ويقراها الحضور=تنصاك ياعلي العضياني ومعك اسبابها
خابرك تنشد عن عميلك ياعميلي من شهور=ان كان في خاطرك هرجه لاتصك ابوابها
علي فلاح العضياني
الله يبارك فيك و يجمّلك في كل الأمور=لين الرجوم العاليات تويق في مرقابها
العام شفتك تشتري بالعمله اللي ما تبور=و اليوم ناسيها يا بو سلطان في دولابها
معجب العتيبي
محمود يابن سعيد ياطيبك ليا جبت العطور=واللي تقلد لعنبوها ولعنبو من جابها
اليا لقيت اللي يبيع ويشتري مابه قصور=مامد غير اللي ليا مدت تسر اصحابها
علي فلاح العضياني
كلٍ يشوف الفرق بين العود الازرق و البخور=الصنف الاول تستحقه لحيتك و أشنابها
تدري متى يشعر ضميري بالسعاده و السرور=إليا حسبت الحسبه اللي حاسبين حسابها
معجب العتيبي
ياعلي حتى لو كلامك زين وتلف وتدور=والله مانجهل وصوف اللي طوال ارقابها
قبل امس شفتك ياعلي تمشي على جسر العبور=والنيه اللي في ضميرك (غيب)وانت ادرابها
علي فلاح العضياني
الراس بالتفكير و الإدراك و العرف معمور=ياللي تقول الجمله اللي مستحيل إعرابها
و الجهل تدري وين ؟ في راس الغبي و العلم نور=و المدرسه لجل السبب هذا أخفقوا طلابها
معجب العتيبي
ياعلي ماينفعك تجميل المقابر والقبور=نفسٍ تموت بلا عمل ماينفعون اقرابها
ياللي تعرفون الحقايق لاتزكون مخمور=تمضيبكم دنيا العنا ماتخلفون اتعابها
علي فلاح العضياني
يا معجب الروقي ترى لو ما تعذّرت معذور=الناس دايم منك تبدي حالة إستغرابها
تبغى الزواج و بعد فالوقت إرتفع سعر المهور= البنت من زود الترف تضحك على خطّابها
معجب العتيبي
البدو تال الوقت يبنون العماير والقصور=وسليم كل اهدافها مرهونه بمشعابها
على يمين الطايف المانوس قالوا غار ثور =وعندي مثل يقول(اهل مكه تعرف شعابها)
|
