مانصح في هالزمن غير المنسمّ والهبيلة=ماتردّ ولا لها مردود ,, والباقي على الله
ماعبدنا اللّي على درب العرب يومي شليله=نعبد الله والله المعبود ,, والباقي على الله

وين شيخان العرب والجود حاوين الفضيله=لاتعمم علمكم مجحود.. والباقي على الله
ماعليك قصور يوم أن العرب تبغى الجزيله=كيف تجمع بيضها والسود.. والباقي على الله

المهلهل لو عطف قلبه على دمع الجليلة=كان ماصبّح عيال العود ,, والتكلاء على الله
حيل يالمحتال مار الضلع ماتقدر تحيله=من ثبوته لقبّوه الطود ,, والباقي على الله