ما دام ابو تمام راسه حي ولسانه فصيح=من دونه اقوام الهجاء بافواهها واشبارها
القصر باسم اللي بناه ومن محله ما يــزيح=ساسه جويد وقبته فوق القصور انورها

بالله كيف المذنب العاصي ضميره يستريح ؟؟=بين العرب ,, تنفاه دار المصطفى لو زارها
قصر السعد ما يجتمع فيه المريض مع الصحيح=من يامن العدوى ليا ثارت و شبّت نارها

صلى المصلي للولي .. واللي على خده طريح=ماهو مناحي له رياجيلً طوال اعمارها
الدار عالي شانها ما دورت مد الشحيح =ياليتها تسلم شرور صوارها وعوراها

القافله تمشي لو كلاب العرب تنبح نبيح =على الطريق المستقيم مواصله مشوارها
شغلتك معروفه ما غير مقابل قدور اللتيح=ما أنته بضاري بالدلال اللي يفوح بهارها

حملتك ياللي جبتــــها والســـد منها ما يبيح=ظلل عليها بالستار وصرها بصرارها
الشاهد اللي عاش طول العمر ماسوى مليح=ما كنه الا النمله اللي شرها في جارها