الحرامي لو يدور على صك البراه=نقطره للحق لو صاح بالصوت ونفا
لاتقول السيف قل بير مكشوف غطاه=من شرب جغمه منه قال للساني كفا

العضياني تناديه ماقال لك هاه=والهلال اللي تقولون شفتوه اختفا
لا تلبس صاحبك ثوب ماهو مستواه=العرب قامت تعاينك بعيون الجفا

لو تحاول في ولد روق ماتشقر عصاه=كلنا عينٍ بصيره ورمشٍ ماغفا
الحمامه لو تقلدعلى مشي القطاه=صوبها مازم رمي الرماه ولاهفا

كلكم عين بصيره وقلباً ما علاه=واحدن بشتٍ حساوي ولآخر معطفا
وش علينا من بليس الموسوس فالصلاه=كل مانقرا لنا اية توخر ورجفا

ياهزيمة من يحطك على ضلع الرماه=الصحابي مايخون الرسول المصطفى
من يكبر لايكبر وهو مرخي يداه=يرفع الكفين في برد والا في دفا