من الطيب اللي قال انا اضمن لك النيات=هذا في يده ورده هذا في يده فجله
تحسف على الاطلال والا على الرايــات=اشوف العرب شفقين وقلوبهم وجله

بنا العنكبوت البيت لكن ياهيهات=ترى ما يصيد الذيب لو كان ينسجله
تحسفت لجل الورق في روضة التنهات =ولامن زعج بالصوت لاعاد تزعجله

ما اخذها بسمن الا قلايل من الامــــوات=ومثلك جيوبه خالية ويش يهـــــــــرج له
يقفل عليــــه البيـــــت ويطفــــي اللمبات=لعله يعيش بستر حتى يجيه أجـــــــــله

نوصي رعد بالدين والطيب والعادات=وعكس الوصايا حطها رعد منهجله
ينبيك دور الوقت لادارت الاوقات =بقلبك تشوف وغمض عيونك النجله

تبا تفتخربالذات ياللي جلـدت الذات=ومن ديدنه هـذا عسى الله يفـرج له
جديد المواتر ما يسيّر مع الهــافات=لو ان المصنـّع زاد عزمه برمج له

المشاركة الأصلية كتبت بواسطة علي فلاح العضياني (المشاركة 1010182) الله الله الله صح لسان ابو عيد صح لسان العمده متااابع

قبل عام شفنا فلم ( عمده على سيهات)=وانا خابر انك كل ليله تحرجله
ماشاء الله صار الفلم يعرض عشر ساعات=منول بطل فصلين واليوم منتجله

وسيله يبــرر وقعهــــا سامي الغايات=ولا اللازم اللي تقضى الليل تعرج له
مزاين فحول البلّ صنعة هل الردات=وابو عجل ما ينسام في سوقها عجله