المشاركة الأصلية كتبت بواسطة معجب العتيبي (المشاركة 1007714) ماعندك مشكله طال عمرك مانشدتك عن وحوش الفلا والحمام=كل مخلوق اله ميزه يماريبها عادة الطالب اللي من هوات المنام=لابدا الدرس كفه قام يوميبها

كثرة الضرب يامعجب تفك اللحام = من يدي عندكم بانت مضاريبها
والبلد مشكله لا كثر فيها الزكام =من يباها ولوتصفي مشاريبها

قلتها يوم خشمك يكتسيه العرام= لكن دواك عندي قبل تسريبها
من يعيش بوقايه مايحس الالام=وانت ياحمود ماتوفي مطاليبها

حمود الحمود

بعد غيبه عن الحله واهلها سلام = ياسلامي على الحله واصاحيبها
الله انه يعز محكمين النظام = دولتن بين خلق الله نماريبها

معجب العتيبي

عقب غيبه وعوده لك وفا واحترام=مرحبا عند قومٍ ثابتن طيبها
الله يعز من يفرق حلال وحرام=حسب فرض الشريعه جيب ترتيبها

حمود الحمود

البقا فيك والترحيب سلم الكرام = كل قومن تبا تفخر باشانيبها
استوو ياجماعة خير خلف الامام = مابقا الا الصلاه اللي نصليبها

معجب العتيبي

ابتدينا معك ياحمود حلو الكلام=مابقا الا النوايا عجل وجيبها
استووا عقب غبتوا ياعرب نص عام=ودي اعيد شرح دروس تدريبها

حمود الحمود

من خلقنا مانرضى غير راس السنام =ميزتن للرجال الله حباني بها
عقب صليت حج وصوم ضمن الصيام =مانبالك شروح ولاتجيني بها

معجب العتيبي

مانشدتك عن وحوش الفلا والحمام=كل مخلوق اله ميزه يماريبها
عادة الطالب اللي من هوات المنام=لابدا الدرس كفه قام يوميبها

حمود الحمود

كثرة الضرب يامعجب تفك اللحام = من يدي عندكم بانت مضاريبها
والبلد مشكله لا كثر فيها الزكام =من يباها ولوتصفي مشاريبها

معجب العتيبي

قلتها يوم خشمك يكتسيه العرام= لكن دواك عندي قبل تسريبها
من يعيش بوقايه مايحس الالام=وانت ياحمود ماتوفي مطاليبها