ما تعد الا الصحيح ولا تمد الا الجزيله=مير انا اوصيك تؤمن بالقدر شره وخيره
ما على زومان شيال الخفيفة والثقيله=الدعاوي ما تغره والعرب توحي هديره

أدري انك يا رعد لوّ انّ لك قدره وحيله = ما يضيع من الحقايق لو كبر حبة شعيره
المصيبه كان جا فالحمل يا بو زيد ميله = والله انّه ما يجي فالوضع عقب الميل خيره !!

غير زول كليب مهما كان ما ترضى الجليله=والحبوب علومها عند الرحاة المستديره
الشقاوي كلما شفناه قلنا يا حليله =ما نلومه لو يظلي فالخلا يشعب بعيره

فالكلآم اللي تقوله ما تخالفك القبيله = مير جعل الخير يبقل , والسعد ياصل بشيره
يا رعد يا صاحبي كلمتك هذي ويشهيله = الله أعلم يا رعد باللي تكنّه فالسريره

دعوة الرحمن يا الخيال ماهي بالقليله=والسعي مفروض فوق العبد ويحدد مصيره
ودها للمختبر يخبرك عن نوع الفصيله=ان عطاك العلم والا الصنفره روح استشيره

والله انّي يا رعد فالوقت ما مد الهزيله = ولآ دخلني يا وسيع المعرفه ذلّه وحيره
كل راعي طيب لو داره بعيده ينعني له = مير راع الكير محد ٍ يقربه من ريح كيره !!