الله الله ويش اسوي فالحويه والمحاني = الله الله فالعلوم الاوله واللي بعدها !!
الله الله وش تبا يالذيب في بعض المعاني = الله الله دامها حجه مضيعة ٍ سندها

الله الله كل مانلمسك لمسة ماتداني = الله والجنائز كلبوها في لحدها.
الله ماقلطنا الا على الحيل السماني = الله الله والعرب من دور لحاجة وجدها!!!

الله الله والكلام اللي ورا صم الآذاني = الله الله يارجال ٍ من بلدها في بلدها !!
الله الله واعلونها ياعريبين المجاني = الله الله ماتت الحرمه ولاشافت ولدها !!!

الله الله من مكانك جالسٍ لك في مكاني = الله الله بس روحك من نشدها من نشدها.
الله الله وانته اسمك في سجلات البياني = الله الله والمباني بنيها ابرك من هددها!!

الله الله يوم اشوف الغرب مع ذيك السواني = الله الله كل قوم اليوم تبشر في سعدها !!
الله الله والسفينه ثابته وسط المواني = الله الله واثر بعض الناس ماكبّت حسدها