سيف ابن طالب صار من بين العرب مضرب مثال=لكن ما سلّه غير ابن طالب رفيع المنزلي
ان كان تبغى الضل خلّك فالطويل من الجبال=لا تطلع من الضل ياسعود وتلقيها الخلي

انا عطيتك علم ماغيره جنوب ولاشمال = ليتك ياعبدالله هذا مانته بواحد من هلي!!
روح لعلي خله يعلمك الجواب من السؤال =وضعك هذا ماينفعك مع من( يموحون الدلي)

عبدالله الاصعر=

اليا خلص منك العضياني يابن عاصم تعال=ابا اكسر ضلوعك بعد يمناك كسرها علي
انت منوّل حافظ سلوم العرب يابن الحلال=واليوم متخلّف عن السلم الرفيع المعتلي

سعود العصيمي=

حنا خلصلنا من علي وانته الصبح قبل الزوال=اقلط وتبشر بالعلوم الطيبـه فـوق الطلـي!!
انته على بالك علوم ٍ مابعد جاء الها مجـال=وانا على سلمي وعلمي ولي نارآ تصطلـي؟

عبدالله الاصعر=

القول مايصلح بدون فعول قدّام الرجال=ياللي تقول انّك على نهج الامام الحنبلي
نارك تطفيها يابو طايل هماليل الخيال=(لو انت غالي ياسعود ,,وطيّب ولالك حلي)

سعود العصيمي=

قول وفعل وان كان مايعجبـك حـوّل للقتـال=ياللي تقول انك ماتعرف سيف ابو طالب علي؟
انته خيالـك خابرينـه فـي دياجيـر الليـال=عليه مايطلع شروق الشمس ليـل وينجلـي!!

عبدالله الاصعر=

سيف ابن طالب صار من بين العرب مضرب مثال=لكن ما سلّه غير ابن طالب رفيع المنزلي
ان كان تبغى الضل خلّك فالطويل من الجبال=لا تطلع من الضل ياسعود وتلقيها الخلي

سعود العصيمي=

انا عطيتك علم ماغيره جنوب ولاشمـال=ليتك ياعبدالله هذا مانته بواحد من هلي!!
روح لعلي خله يعلمك الجواب من السؤال=وضعك هذا ماينفعك مع من( يموحون الدلي)