كااايد الاجرب=

سلامي سلامٍ يرفع القدر والـراس=من الهاجس اللي يشتري كل غالي
الاياعلي مانيب من يطبخ الفـاس=ولا جيت ادور من صحيبك ريالي

علي العضياني=

هلا مرحبا من صادق شعور و احساس=ترانـا نعـزّك يالرفـيـق المـوالـي
عتيبه على عز و معـزّه و نومـاس=و لا تخلـف الايـام روس الرجالـي

كااايد الاجرب=

يدوم البقاء يامعرب الجد والساس=تراك انت من ربعي وعمي وخالي
عتيبه هل الطولات والخير والباس=لياحك عود بعـود والـدم سالـي

علي العضياني=

أبا انصحك لا تسمع كلام أكثـر النـاس=و لا تبدي الاّ فـي حجـا كـل عالـي
من إبتاع في سوق الذهب فضّ و نحاس=ما يلقى منه مكسـب و لا راس مالـي

المشاركة الأصلية كتبت بواسطة علي فلاح العضياني (المشاركة 1002653) أبا انصحك لا تسمع كلام أكثر الناس=و لا تبدي الاّ في حجا كل عالي من إبتاع في سوق الذهب فضّ و نحاس=ما يلقى منه مكسب و لا راس مالي

نصيحتك مقبوله ولنارقباس =اثر فالعرب حيٍ من العقل خالي
نعرف الذهب والمرج واللول والماس=ولا يرتكي للحمل غير الجمالي

مع العصر لو نسنس من الغرب نسناس= تطير الرمال و يثبتنّ الجبالي
تلبّس من جداد الثياب أفضل لباس=و ركّب على راسك شماغ و عقالي

المشاركة الأصلية كتبت بواسطة علي فلاح العضياني (المشاركة 1002690) مع العصر لو نسنس من الغرب نسناس= تطير الرمال و يثبتنّ الجبالي تلبّس من جداد الثياب أفضل لباس=و ركّب على راسك شماغ و عقالي

يازين السوالف لاحصل علم بقياس=تطيب النفوس من الغثا والجدالي
ثيابي جداد ونظرتي حد الامواس=ولا جيتك بغير العلوم الجزالي

سيوف الرجاء يا جعلها تقتل الياس=بعدها ما عاد الياس يلقى مجالي
تعوّذ بربّ الناس من كل وسواس=ليا ضاق بالك كيف يرتاح بالي ؟